طفله ترفع الضغط!!! [الأرشيف]

نور العين

11-20-2005, 10:08 PM

طفله ترفع الضغط!!!

التلفون يرن ...

الطفلة : الوووو

الامراة : الووو مرحبا

الطفلة : اهلين..

الامراة : وين الوالدة ؟

الطفلة : فش عنا وحدة والدة..

الامراة : له له عيب عليك... لا سمح الله الله يخليلكم اياها..

الطفلة : شو لا سمح الله ما لا سمح الله.... بقوليك فش عنا والدة....

الامراة : اه ... قديش عمرك يا شاطرة؟؟

الطفلة : وشو عرفك اني شاطرة...

الامراة : تضحك وتقول .. مبين عليك خفيفة دم..

الطفلة : انت الي خفيفة دم... اوعي تقولي عني هيك...

الامراة : مبين عليك زغيرة؟

الطفلة : انا اطول منك......

الامراة : طيب يلا اعطيني ماما...

الطفلة : ليش هي امك عنا؟؟

الامراة : خلص نادي امك...

الطفلة : فش عند امي نادي..

الامراة : الله يصبرني...

الطفلة : يصبرك مع شوك ولا بدون شوك؟

الامراة : تصرخ " اعطيني حدا كبيرررر"

الطفلة : كبير , بالحجم ولا بالطول ولا بالعمر..

الامراة : اعطيني واحد برميل احكي معووو..

الطفلة : استغفر الله العظيم بدك تحكي مع برميل.. بس البرميل جماد..

الامراة : هسا باجي عندك.. اعطيني حدا كبير...

الطفلة : تجيش عندي لانو عندي صاحباتي بلكي لما روحو جيتي بكون احسن...

الامراة : طيب بس لو اشوفيك لاعمل منك بطاطا..

الطفلة : بطاطا مسلوقة ولا شوي بالفرن؟

الامراة : احسنلك اسكتي لانك زعلتيني..

الطفله : مين الي زعل تيني وليش التين اصلا بزعل؟

الامراة : بكفي زودتيها عاد ..

الطفله : وين عاد الى بيته ؟

الامراة : اه الى بيته .. مبسوطة..

الطفلة : الصراحة مش مبسوطة .. في اشي مزعلني..

الامراة : خليه يزعلك بلكي فقعتي زي البالون..

الطفلة : شو لون البالون الي بلكي فقعت زيو؟؟

الامراة : تصرخ باعلى صوتها.. " وين الوالــــــدة ؟؟؟ "..

فتاخذ الام التلفون من الطفلة ..

وتقول الووووو.. مين معي..

الامراة : ول علينا .. شو هالبنت هاي اطلعت لي قرن براسي..

الام : قرن ايش , قرن الغزال ولا قرن موز..

الامراة : زي دايما رايقة وبتحبي تمزحي .. لع اطلعتلي قرن ثور ...

الام : شو حجمه الثور؟

الامراة تغلق السماعة.. وتذهب الى بيت صديقتها.. ترن الجرس...

فتقول الام للطفلة : ارمحي شوفي مين على الباب...

تركض الطفلة نحو الباب , تجلب كرسي وتصعد عليه ثم تنظر الى اعلى الباب وتقول فش حدا على الباب في وحدة وراه..

فتقول الام : خلص خليها ترن على الجرس قد ما بدها..

الطفلة : اي جرس؟ جرس المدرسة؟؟؟

الام : لع جرس الدار..

الطفلة : جرس دارنا هاي ولا الدار الجديدة الي بدنا نبنيها..

الام : لع جرس دار الجيران..

الطفلة : ليش في عند الجيران جرس وحول واركب على الفرس..

وعلى هالموال ..... ليل نهار...

=============

تصدقون حتى انا ضغطي ارتفع :mad:

اسوار القدس

11-22-2005, 12:53 AM

ههههههههههههههههههههههههههههههههههه
امن عائله صحيح بترفع الضغط

nabeelmosa

11-22-2005, 01:22 AM

هههههههههههههههههههههههههه
وانا ارتفع خاااااالص الضغط والسكر
ههههههههههه ايه دة كل دي غلاسه
شكرا على التلفون نور
تحياتي

ابن غزة الصمود

11-22-2005, 03:38 AM

ههههههههههههههههههههههههههههههههههههههههه

نور العين شكرا كتير ولو انا مكان هالمرأة بكسر التلفون فوق راس هالعيلة الخلل

رسم لازم اروح عالدكتور للاشيل المرارة لانها فقعت بسبب هالعيلة

nabeelmosa

11-23-2005, 04:18 PM

هههههههههههههههههههههههههههههههههههههههههههه
ابن غزة خلى بالك من صحتك حبيبي هالومين التلفونات صاار
تنيم فى المستشفيات
هههههههههههههه خاصه الجوالات
تحياتي الك