المساعد الشخصي الرقمي

مشاهدة النسخة كاملة : كل هاد وما مات ؟؟؟

نور العين
11-16-2005, 08:11 PM
الأول : كيفك يا زلمة وكيفو ابوك انشالله تحسن? صار لي سنين ما شفتك
التاني : انا ماشي حالي الحمد لله بس الوالد أعطاك عمرو
الأول :العمر إلك بعرف كان عندو القلب يالله الله يرحمو
التاني : بس والله ما مات من القلب
الأول : كيف توفى
التاني : الله يرحمو بآخر فترة ضعف نظرو كتير مرة طلع عالبلكون ما شاف الحفة وقع وبتعرف بيتنا تالت طابق
الأول : له له على هالموتة ، بكل الأحوال الله يرحمو
التاني : والله تعذبنا فيه كتير وعملنالو شي 12 عملية لتحسن
الأول :لكان كيف توفى
التاني : صار يحمل عكازة ومرة عم يقطع الطريق سيارة مسرعة خبطتو
الأول : يه يه الله يرحمو
التاني : ربك رحيم كان فيه جار إلنا حطو بالسيارة ولحقو عالمستشفى بس النزيف الداخلي كان كبير
الأول : الله يرحمو بكل الأحوال
التاني : بس سفرناه على اسبانيا وضلينا شي 6 أشهر عم نعالج فيه والحمد لله تحسن
الأول : طيب كيف مات
التاني : صار معو فشل كلوي حاد وصرنا ندور على متبرع كلية وتأخرنا وصار معو تسمم
الأول : الله يرحمو ارتاح
التاني : بالصدفة إجا شخص بيعرفو من زمان تبرعلو بالكلية بآآآآآآآآخر نفس
الأول : لكان كيف مات
التاني :والله مرة بالبيت وهو قاعد ما انتبه عالغاز احترقت الشقة وهو لحالو فيها
الأول : يالطيف على هالموتة ما أبشعها الله يرحمو
التاني :بس والله جارنا الله يجزيه الخير كسر باب البيت ولحقو بآآآآآآآخر لحظة
الأول :طيب بس فهمنا كيف مات ؟


التاني : والله اضطرينا نطخوا !!!!!!!!!
صمـود
11-17-2005, 06:08 AM
:dاضحك الله سنك نور العين وبارك الله فيك لقد نشرت القليل من البهجة والابتسامة فلا تحرمنا منها
نور العين
11-18-2005, 03:19 PM
تسلم اخي الله يخليك وان شاء الله علي طول الابتسامة في وجهك
الملاك القمر
11-18-2005, 03:28 PM
هههههههههههههه فعلااا حلوه كتير منك يا نور العين وهو ما تعودناه منك الجميل والشيق والمضحك
بس احلي شي اضطرنا نطخوو هههههههه
تقبلي مروري وكوني بخير
nabeelmosa
11-18-2005, 04:13 PM
ميرسي كتير نور العين على الابتسامه الطيبه منك
اشكرمن كل قلبي
تحياتي الك
استشهاديه
05-01-2007, 02:40 PM
هههههههههههههههههههههههههه

بسبع ارواح

فينك يا نور العين والله الك وحشه كبيره

ان شاء الله بترجعيلنا بالاسلامه

وشكرا على اجمل نكته

ضحكت من كل قلبي

الله يسعد قلبك